Guía de nomes galegos

Da advocación mariana Nosa Señora das Neves. É o plural do nome común neve, do latín nix, nivis, posiblemente a través dunha forma popular *neve, debida ao influxo do latín nebula 'néboa', outra característica do inverno que debeu percibirse como un diminutivo de neve 'neve'.

Santa María a Maior ou Santa María das Neves é a máis antiga das festas marianas da liturxia romana. A súa basílica ergueuse no século IV nun dos sete outeiros de Roma, o monte Esquilino. No século IX empezou a chamárselle Nosa Señora das Neves debido a unha lenda dos tempos do papa Liberio (século IV), segundo a cal un matrimonio patricio sen fillos tivera unha visión en que lle mandaban erguer unha igrexa en Roma nun lugar que a Virxe cubriría de neve en pleno agosto, época de máxima calor en Roma. Ao parecer así aconteceu o día 5 dese mes.

Nieves Fariza Alonso (Cambados 1911 - Vigo 1975), mestra e activista social que protestou contra as inhumanas condición sociais dos traballadores da construción dos camiños de ferro, os chamados “carrilanos”, afectados pola silicose, e defendeu os dereitos das viúvas dos falecidos por esta doenza.