Guía de nomes galegos

Do grego Phílippos 'que ama os cabalos' ou 'amigo dos cabalos', de phílos 'amigo', e híppos 'cabalo'.

San Filipe foi un dos primeiros apóstolos seguidores de Cristo. Segundo a tradición, evanxelizou a rexión da Frisia. Crese que o crucificaron.

San Filipe Neri (século XVI) era un florentino que fundou en Roma un hospital e tamén a congregación do Oratorio para fomentar a oración e a frecuencia dos sacramentos. Pola alegría que ao parecer sempre mostraba, fixérono patrón dos humoristas.

Este nome foi elixido por aristócratas da Idade Media, e posteriormente por diversas monarquías europeas. En España foi nome dinástico para Austrias e Borbóns, desde que o introducira a principios do século XVI o flamengo Filipe o Fermoso, esposo de Xoana de Castela. Da dinastía dos Austrias: Filipe II, III e IV (I, II e III, respectivamente, de Portugal), durante os séculos XVI e XVII; dos Borbóns, Filipe V (século XVIII) e Filipe VI (século XXI).

Felipe Gil Casares (1877-1953), avogado compostelán, alcalde de Santiago e reitor da Universidade.

Felipe Camino Galicia de la Rosa, coñecido como León Felipe (1884-19689, poeta español. As súas últimas obras foron editadas por Alexandre de Fisterra a través da Editorial Finisterre Impresora, da que era presidente e fundador. Posteriormente, ademais de no seu editor, converteuse no seu testamenteiro.