Xob é un personaxe heroico do Antigo Testamento, unha figura mítica que encarna a paciencia infinita, pois seguiu confiando en Deus a pesar de que este permitira que o demo o tentase e que lle ocasionase todo tipo de calamidades, pois perdeu bens, familia, saúde e mesmo o escarneceron a muller e os amigos. De aí vén o dito “ter máis paciencia ca (o santo) Xob”. Ao final Iavé recompensouno dándolle o cento por un.
