Ano Castelao

É un feito ben coñecido que unha gran parte de obra de Castelao foi publicada orixinalmente na prensa. Podemos afirmar que dende o ano 1908 en que comezaron as súas colaboracións en revistas e xornais, ata a súa morte en 1950, a presenza de Castelao na prensa foi unha constante.
A través da súa abondosa obra espallada por moitas cabeceiras xornalísticas, tanto na prensa galega coma en publicacións editadas en Madrid, Buenos Aires, La Habana ou Montevideo

1916 - 1921: Arte, literatura e galeguismo

Dende o ano 1916 Castelao reside con Virginia e co seu fillo Alfonso en Pontevedra, onde traballa como oficial do Corpo Auxiliar de Estatística e como profesor de debuxo no Instituto. El intégrase rapidamente na vida social e cultural da cidade, mais tamén ten lecer para pintar lenzos e murais, ilustrar libros e facer debuxos que logo envía á prensa.

O conxunto da produción literaria e artística de Castelao constitúe unha das creacións máis importantes da cultura galega. Ao mesmo tempo, o seu compromiso coa nosa lingua e a súa actividade política fixeron del unha figura de gran relevancia na historia contemporánea de Galicia. Por estas razóns, a obra de Castelao ocupa un lugar sobranceiro na Biblioteca da nosa institución.