Unha praza para Emilia Pardo Bazán

Marineda City homenaxea desde a súa apertura a Emilia Pardo Bazán no propio nome que leva, a Marineda inventada pola escritora para se referir á Coruña nas súas novelas. Pero desde hoxe o nome da escritora é tamén o da praza situada na planta baixa do interior do centro comercial, inaugurada este mediodía no marco do acordo de colaboración entre a Real Academia Galega, a través da Casa-Museo Emilia Pardo Bazán, e este espazo comercial para difundir a figura e a obra de quen foi unha das escritoras europeas máis destacadas do seu tempo.

Na celebración presentouse un libriño editado para a ocasión que escolma oito contos da autora protagonizados por mulleres, ás que lles deron vida outras tantas actrices. "Con esta obra queremos homenaxear a autora como a adiantada ao seu tempo que foi, e que hoxe segue a facernos reflexionar sobre a situación da muller, na que sen dúbida avanzamos, pero aínda queda camiño por percorrer", salientou a xerente de Marineda City, Ana López.

A conservadora da Casa-Museo Emilia Pardo Bazán, Xulia Santiso, salientou tamén o carácter pioneiro da intelectual. "Foi unha muller fóra do seu tempo e gañou por dereito propio un lugar no cumio da intelectualidade ilustrada do século XIX", expresou. Unha das institucións que recoñeceu a súa relevancia foi a Real Academia Galega desde a súa fundación, que a nomeou presidenta honoraria o ano da súa fundación, en 1906. "Este feito que deu lugar a que a súa derradeira herdeira doase a residencia familiar da rúa Tabernas como sede da RAG", explicou. O inmoble acolle tamén a casa-museo da escritora.

Dicionario

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar